वीरगंज, २९ चैत ।
निजी तथा आवासीय विद्यालय संगठन नेपाल (प्याब्सन) पर्साले लेगेसी अवार्ड २०८२ तथा नयाँ वर्ष २०८३ शुभकामना आदान–प्रदान कार्यक्रम होटल भिस्वामा सम्पन्न गरेको छ।
कार्यक्रममा शिक्षा क्षेत्रमा दीर्घकालसम्म अतुलनीय योगदान पु-याएका व्यक्तित्वहरूलाई सम्मान गरिएको थियो।
कार्यक्रममा प्याब्सन पर्साका संस्थापक सदस्य मनी कुमार लामा, संस्थापक सदस्य एवं पूर्व अध्यक्ष लाल बाबू प्रसाद कुर्मी तथा संस्थापक सदस्य एवं पूर्व अध्यक्ष श्याम केसिलाई ‘प्याब्सन लेगेसी अवार्ड २०८२’ प्रदान गरी सम्मान गरिएको थियो। शिक्षा क्षेत्रको विकास, संस्थागत मजबुती र प्याब्सनको विरासत जोगाउँन पु¥याएको महत्वपूर्ण योगदानको कदरस्वरूप उनीहरूलाई उक्त सम्मान प्रदान गरिएको आयोजकले जनाएको छ। कार्यक्रम प्याब्सन पर्साका अध्यक्ष सरोज चौधरीको सभापतित्वमा सम्पन्न कार्यक्रममा पशुपति विक्रम शाह र उषा देवी शाह, वीरगंज महानगरपालिकाको शैक्षिक महाशाखाका प्रमुख आनन्द लामिछाने, प्याब्सन मधेश प्रदेशका उपाध्यक्ष पुरन प्रधान, मधेश विश्वविद्यालयका उपकुलपति दीपक शाक्य, उद्योग वाणिज्य संघका अध्यक्ष हरि गौतम, प्याब्सन महानगरका अध्यक्ष राहुल श्रीवास्तव, प्याब्सन पर्साकी वरिष्ठ उपाध्यक्ष सुशीला साहलगायतको सहभागिता थियो ।कार्यक्रमको संचालन प्याब्सन पर्साका सचिव अशोक संग्रौलाले गरेका थिए।
