वीरगंज युनाइटेड क्लबलाई बुधवार सडनडेथमा पराजित गर्दै आयोजक शक्ति युवा क्लब अन्तिम दुईमा प्रवेश गरेको हो ।

निर्धारित समय २–२ गोलको बराबरीमा सकिएपछि खेल टाईब्रेकरमा पुगेको थियो। टाईब्रेकरमा पनि दुवै टोलीले ३–३ गोल गरेपछि नतिजा सडन डेथमार्पत निस्किएको हो ।

खेलको शुरूआतमै आयोजकले आक्रामक प्रदर्शन गर्दै अग्रता बनाएको थियो। चौथो मिनेटमा सुजन श्रेष्ठले पहिलो गोल गर्दै टिमलाई अघि बढाए भने १०औं मिनेटमा उनले व्यक्तिगत दोस्रो गोल गर्दै स्कोर २–० बनाएपनि अग्रता जोगाउँन सकेन ।
३६औं मिनेटमा वीरगंज युनाइटेडका युवराज खड्काले गोल गर्दै अग्रता घटाए । ५५औं मिनेटमा सागर चौधरीले बराबरी गोल गर्दै खेल २–२ को स्थितिमा पु¥याए ।

निर्धारित समय बराबरीमा सकिएपछि भएको टाईब्रेकरमा समेत दुबै टोलीले ३–३ गोल गरे । टाईब्रेकर समेत बराबरी भएपछि आयोजकले सडनडेथमा जित हात पारेको हो ।

आयोजकका गोलरक्षक रविन बस्नेत उत्कृष्ट प्रदर्शनका लागि ‘प्लेयर अफ दि म्याच’ घोषित भए। उनलाई वीरगंज महानगरपालिका २१ का वडाध्यक्ष राधाकृष्ण साह रौनियारले पुरस्कृत गरेका थिए ।

प्रतियोगिता अन्तर्गत बिहीवार दोस्रो सेमिफाइनलमा निजगढ फुटबल क्लब र एन्फा मकवानपुरबीच प्रतिस्पर्धा हुनेछ ।

बैशाख १२ गतेसम्म सञ्चालन हुने प्रतियोगितामा भारतसहित आठ टोलीको सहभागीता रहेको छ । प्रतियोगिताको विजेताले दुर्ई लाख रुपियाँँ र उपविजेताले एक लाख रुपियाँँ नगद पुरस्कार प्राप्त गर्नेछन् भने विधागततर्पm उत्कृष्ट खेलाडीलाई पाँच हजार एक सय रुपियाँँसहित पुरस्कृत गरिनेछ ।